U dir saaxiib Daabaco + Facebook Ku dar Twitter Add Comment

Cape town

Cape town Waaxda canshuur qaadista (Sars) ee k/africa ayaa baaritaano ku sameeyeen goobaha ganacsiga soomaalida ee magaalada Cape town, iyadoo ay baaritaanada ku wehliyeen booliska magaalada Cape town.

Guddiga canshuuraha (Sars) oo baarayey alaabaha ay ku qoran yihiin magac beenaadka ee aysan sameyn shirkaddii lahayd sida dharka, iyo alaabaadka carruurta lagu ciyaarsiiyo ayaa ka qaaday dhowr dukaan oo ay lahaayeen ganacsato soomaaliyeed .

Lama ogo ilaa iyo iminka halka ay geeyeen alaabihii ay ka qaadeen dukaamadii soomaalida, walow aysan weli jirin wax war ah oo ka soo baxay dowladda hoose oo ku saleysan baaritaanadii ay fuliyeen waaxda canshuuraha Sars ee dalka K/africa.

Arintani ayaanan ahayn mid ku cusb soomaalida, iyadoo dhowr jeer ay hore u soo noq noqatay, maadaama ganacsatada soomaalida ay ka madax adeegeen in ay joojiyaan alaabaha magac beenaadka ah ee ay ku dhex iibiyaan dukaamadooda.