Ciyaaryahanka kula guuleystey kooxdiisa horyaalka Yurub iyo xulka dalkiisa koobka adduunka soddonka jirkana ah ayaa kulankii Semifinalka ee ay 4-0 ugaga badiyeen kooxda ka dhisan wadanka Qatar ee Al-Sadd kana dhacay dalka Japan uu jabkan ka soo gaaray.

Kadib markii qalliinkiisii lagu guuleystey ayaa laacibkan haysta rikoorka gool dhalinta xulka dalkiisa Spain loo sheegay in uu ku soo kaban karo muddo lix bilood ah taasoo qiqiil gelin karta inuu safto ciyaaraha Euro 2012 ee dhici doona bisha June ee sanadkan.

“Aad ayaan u wanaagsanahay hadda waxana aan ku jiraa wajigii ugu dambeeyey ee soo kabasadayda, si adag ayaan u shaqeynayaa maalin walba tan iyo markii uu dhibkan igu dhacay,” ayuu u sheegay Villa Spanish FA event.

“Waxaan uga jeedaa iftiin rajo xoog leh ayaan qabaa in aan dib u bilaabi doono inaan ku raaxeysto ciyaarista kubbada cagta mar kale.”

Villa ayaa  dhaliyey 32 goal  76kulan oo uu u saftay Barca tan iyo markii uu ka soo wareegay Valencia bilowgii xilli ciyaareedkii la soo dhaafay.

Waxana uu u dhaliyey xulka dalkiisa 51gool isagoo ciyaaray 81 kulan waxana uu toddobo gool ka horeeyaa ciyaaryahanka ku soo xiga oo ah Raul oo ay ugu dambeysey inuu u safto xulka qaranka dalkiisa sanadkii 2006dii

Petrov ayaa lagu daweynayaa isbitaal ku yaal London waxana warkan xanuunka haya uu ku noqday naxdin kooxda Aston Villa.

Petrov oo xilli ciyaareedkan si joogta ah ugu safanayay kooxdiisa ayaan wax tababar ah qaadan tan iyo ciyaarkii ay toddobaadkii hore yeesheen kooxda Arsenal markaa oo uu xanuun dareemay.

Qoraal ay soo saartay kooxda ayaa ku sheegtay inay ka xun tahay xanuunkan isla markaan ay garab taagan tahay waxana ay ka codsatay dadka inay xushmeeyaan nolosha gaarka ah ee Petrov.

32jirkan ka mid ah xulka wadanka Bulgaria ayaa u saftay wadankiisa illaa iyo boqol kulan tan iyo markii uu ku biirey waxana uu ka yahay xubin muhiim ah qadka dhexe ee kooxda Aston Villa.

Ciyaaryahankan hore ugaga mid ahaa kooxda Celtic ayaa waxa uu dareemay in ay wax ka qaldan yihiin oo uu awood badan lahayn kulankii toddobaadkii hore ay wada ciyaareen kooxda Arsenal. Markii uu wargeliyey shaqaalaha caafimaadka kooxdana waxa ay kula taliyaan in uu muddo labo maalmood ah uu nasto, iyagoo rumeysnaa dhibka haya ciyaaryahanka inuu yahay virus uun.

Hase yeeshee markii xanuunku uu noqday mid sii jira ayuu petrov Arbacadii baaritaan dhiigga ah lagu sameeyey si loo ogaado waxa keenay tabar yarada. Hase yeeshee 48 saacadood kadib ayaa loo sheegay in uu hayo xanuunka la yiraahdo leukaemia waxana la dhigey isbitaalka iyadoo daawadiisuna ay bilaabanayso Sabtida

Shan kulan oo ay ku kulmeen 10 kooxood oo sabtidii la ciyaaray waxaa la dhaliyey 12 gool waxaase laba kulan oo kaliya oo Axadii la ciyaaray ay ka badnaayeen goolasha la dhaliyey kulamadii sabtidii oo dhan, taasi oo ka dhigtey in ciyaaraha Axada la ciyaaray ay xiiso badan lahaayeen maadama ay ku lug lahaayeen shan ka mid ah kooxaha xiligan ugu awooda badan Premier  League-ga.

Kulamadii sabtadii 22 October 2011, waxaa ugu xiiso badnaa kulankii dhexmarey Liverpool & Norwich City oo sanadkan ku cusub Premier  League-ga, waxaana kulankaasi oo ka dhacay guriga Liverpool ee Infield Stadium uu ku soo dhamaaday riwaayad yaab leh oo 1-1 la isla dhaafay balse la oran karo Liverpool waxaa diiday calafka goolasha halka Norwich ay leedahay haybad ay si adag ula dagaalantey kooxda ay martida u aheyd oo si aan caadi aheyn fursado badan isaga qasaariyey.

Craig Bellamy oo Liverpool sanadkan uga yimdi dhanka Man City ayaa siisay kooxda martida loo ahaa goolka hogaaminta qaybtii koowaad ee ciyaarta laakiin waxaa Liverpool u diidey sadexdii dhibcood ee kulankaasi loo cararay ciyaaryahanka Grant Holt oo ciyaartaasi ay u aheyd kulankiisii 100-aad ee uu u safto kooxda Norwich Cirt ka dib markii qaybtii dambe ee ciyaarta uu kubad madaxa ku qaaday uu ku hubsadey shabaqa Liverpool.

Goolhayaha kooxda Norwich City John Ruddy oo Isniinta beri ah u dabaaldegaya sanadguuradiisii 24-aad ee dhalashadiisa ayaa la oran karaa wuxuu ahaa badbaadiyaha shabaqa Norwich maadama uu tiro ka dhawr jeer uu badbaadiyey kubado si isdaba joog ah uga imaanayay weeraryahanada Liverpool oo uu ugu qatarsanaa Luis Suarez.

Goolka Liverpool
Bellamy  (daqiiqadii 45+1)

Goolka Norwich City

Holt (Daqiiqadii 60-aad)

Kulankan oo ka dhacay Infeild Stadium waxaa ka soo qayb galey 44,931 oo daawade.

 Kulamada kale ee Sabtidii

Newcastle United oo sanadkan ku socota jawi wanaagsan oo aan wali dhulka la dhigin dhinaceeda ayaa gurigeeda St. James’ Park, Newcastle waxay ku qaabishay kooxda Wigan Athletic 5 kulan oo hore laga soo badiyey.

Laakiin kulankii shaley Newcastle oo ay ku dhegan tahay ayaa ciyaarta oo ay ka dhiman tahay 9 daqiiqo waxaa gool caabilo leh u saxiixay ciidamada Alan Pardew kubad sameeya khadka dhexe Yohan Cabaye.

Goolkaasi ayaa siiyey Newcastle 3-dii dhibcood ee kulanka waxaana uu noqonayaa kulankii 9-aad oo xiriir ah oo aan laga badin oo kala ah 4 barbardhac ah 5 badis ah.

Wigan ayaa la kulantey 6 kulan oo ka mid ah 9-ka kulan ee ay ciyaartey.

Goolka Newcastle

Cabaye (Daqiiqadii 81-aad)
Kulankan oo ka dhacay garoonka Newcastle ee St. James’ Park, Newcastle  waxaa ka soo qayb galey 48,321 oo qof.

Kulamada kale ee Sabtidii

Wolves 2-2 Swansea City Garoonka Molineux, Wolverhampton ee Wolves

Aston Vill 1-2 West Bromwich garoonka Villa Park, Birmingham

Bolton 0-2 Sunderland garoonka Reebok Stadium, Bolton

Kulamadii Axadii 23 October 2011

Arsenal oo guul caaqibo ka gaartey kooxda Stoke City kaalinta 7-aadna cariirsatey

Yao Gervinho ayaa goolkiisii ugu horeeyey wuxuu ku hordhaliyey taageerayaasha oo ku sugan garoonka Emirates Stadium laakiin waxaa goolkaasi isla qaybtii hore barbardhac ka dhigay ciyaaryahankii hore ee kooxda Tottenham ee ay Arsenal xifaaltanku ka dhaxeeyo ee xagagii la soo dhaafay ku biirey Stoke City ee lagu magacaabo Peter Crouch.

Ciyaarta oo qaybtii labaad la isagu soo laabtey ayaa la ismari waayey, waxaana kooxda martida loo ahaa ee Arsenal macalinkoodu Arsene Wenger uu daqiiqadii 67-aad badal ku soo galiyey ciyaarta xidiga uu ku dhaarto xiligan Robin Van Persie oo kulankan loo fariisiyey nasiino iyadoo la ciyaarsiiyey kulanka weeraryahanka reer Moroco Marouane Chamesk, balse Arsenal oo raadinaysay guusheedii shanaad ee isku xigta ee Emirates Stadium ayaa badalkaasi ka faa’idey ka dib markii laba goo loo is xiga oo caaqibo leh uu si xarago leh u dhaliyey ciyaaryahan Van Persie.

Goolka Stoke ee barbardhaca ay ku keensatey qaybtii hore waxay ku raadinaysay dhibicdii ugu horeysay ee ay abid ku keento garoonka Emirates Staduim, balse waxaa meesha ka saaray rajadaasi Van Persei.

Stoke oo la aasaasay sanadkii 1863-dii waa ah kooxda ugu faca weyn kooxaha English Premier League waxay sidoo kale loo aqoonsan yahay kooxda labaad ee aduunka ugu faca weyn marka laga soo tago kooxda Notts Count oo ka mid ah xiligan ku jira heerka sadexaad ee dalka Ingiriiska.

Goolka labaad ee uu dhaliyey Van Persie ayaa ahaa kii 200-aad ee Premier Leugea-ga ee ay Arsenal ku dhaliso garoonkeeda Emirates Stadium.

Goolasha Arsenal

Gervinho (Daqiiqadii 27-aad)

Van Persie (Daqiiqadihii 73-aad & 82-aad)

Goolka Stoke City

Crouch (Daqiiqadii 34-aad)

Garoonka lagu ciyaarayey ee Emirates Stadium waxaa soo xaadiray 59,671 qof

9 nin oo Chelsea oo mixnad ka qabsatey garoonka Loftus Road ee kooxda QPR

Ka dib markii laba ciyaartoy oo muhiim ah kaarka cas loo taagay kooxda Chelsea mixnad ayaa ka qabsatey garoonka Loftus Road ee kooxda ay dariska yihiin ee QPR.

Toban daqiiqo ciyaarta oo socota ayaa kooxda Queens Park Rangers (QPR) waxay heshay gool ku laad ama rigoore taasi oo uu u saxiixay weeraryahanka Heidar Helguson.

Laakiin goolkaasi xaajadu kuma ekaan ee Chelsea waxaa dhididka ka soo yaaciyey ka dib markii banaanka loo saaray oo kaarka casaanka loo taagay ciyaaryahanka daafaca Chelsea uga ciyaara Jose Bosingwa ee hooyadiis Congo u dhalatey kaasi oo noqonaya kaarkii casaa ee ugu horeeyey ee uu abid ku qaato Chelsea ama qarankiisa Portugal.

Bosingwa ayaa loo siiyey roosada ka dib markii isagoo ah qofka ugu dambeeya uu dhulka la galay weeraryahanka horey Chelsea ugu ciyaari jirey Shaun Wright-Phillips oo maalinimada Talaadada u dabaaldegaya sanadguuradiisii 24-aad ee dhalashadiisa.

Daqiiqadii 41-aad ee qaybtii hore ee ciyaarta Chelsea wacdaro kale ayaa qabsadey maroodiga Afrika Didier Drogba ayaa isagana kaarka cas loo taagey iyadoo ay tahay markii 10-aad ee guud ahaan kaarkaasi uu qaato intii uu ku jiray ciyaarta kubada cagta.

Drogba ayaa qalad ula kac ah oo wuxuu cirkaasi ula kacay Adel Taarabt taasi oo garsoorihii ciyaarta aanu wax shaki ka muujin in uu banaanka uga saaro ciyaarta weeraryahanka reer Ivory Coast.

Sidoo kale Chelsea waxaa ka qaaday kaarka hurdiga 7 ciyaartoy oo uu ka mid yahay captain John Teryy.

Weeraryahanka Chelsea Nicolas Anelka oo badal lagu soo galiyey iyo kubad qaabeeya khadka dhexe Frank Lampard oo kulankii maanta uu ahaa kiisii 500-aad ee  Premier League uu safto ayaa geed dheer iyo mid gaaban u fuulay sidii ay uga heli lahaayeen dhibic bareejo ah kooxda QPR oo Chelsea oo ay kulmaan ay ugu dambeysay sanadkii 1995-kii.

QPR sadexda dhibcood ee ay ka qaatey Chelsea waxay noqonaysaa guushii ugu horeysay ee ay ku gaarto garoonkeeda Loftus Road tan iyo 4-tii bishii April ee sanadkan.

Goolka QPR

Helguson (Gool ku laad daqiiqadii 10-aad)

Garoonka lagu ciyaarayey ee Loftus Road ee QPR waxaa soo xaadiray 18,050 qof.

Halkan ka akhriso ciyaartii Man United & Man City 

Kulamada kale

Fulham 1-3 Everton Garoonka Craven Cottage, London

Blakcburn Rovers 1-2 Tottenham Hotspur  garoonka Ewood Park, Blackburn

Gooldhalinta

Aguero Man City       9 gool
Rooney Man United 9 gool
Dzeko   Man City       8 Gool
Van Perise  Arsenal  7 Gool
Ba     Newcastle        5 Gool

Kala horeynta kooxaha

Kulamadii Maanta Dhacay oo aad u xiiso Badnaa Waxa ay u dhaceen Qaabkaan.
Kooxda Manchester City ayaa 0-3 waxa ay ku soo martay Naadiga Blackburn Rover’s markii ay ugu martisay Garoonka Ewood Park waxeyna ku soo Macsalaameysay 3-0, Goolasha Kooxda ka dhisan Garoonka Al-Ittahad ku soo badisay waxaa u kala saxiixay A. Johnson, M. Balotelli,S. Nasri iyo S. Savic.

Dhanka kale Kooxda Manchester United ayaa jawaab ka bixisay guusha ay gaartay kooxda Man City markii ay 2-o ku qaarajisay kooxda Norwich City.

Ciyaaryahanada Anderson iyo Welback ayaa kooxda Shayaadiinta Cas Cas ka caawiyay guusha ay gaareen.

Kulamada kale waxa ay u dhaceen qaabkaan.

Everton                    0 – 2           Liverpool
Aston Villa              2 – 0           Wigan Athletic
Sunderland             2 – 2           West Bromwich A.
Wolverhampton    1- 2            Newcastle U.

Dhanka Kala Horeynta

Manchester United  19 dhibcood
Manchester City       19  dhibcood
New Castle UTD       15   dhibcood

Kullankii xiisaha badna ee dhex maray naadiga faca weyn ee Man United iyo naadiga Chelsea ayaa waxaa ka soo baxay natiijo ay dad badan saadaaliyeen taasi oo ah in kooxd Man Utd oo billoowga xaggaagan garoomada ku soo gashay dar dar ay ka badin doonto naadiga Blues.

Ciyaarta oo ku billaabatay fur furnaan iyo xammaasad ayaa waxaa Tobankii daqiiqo ee hore ee diyaarta waxaa naadiga Chelsea ay iska raadisay naf oo ay muujisay dar dar balse waxa walba waxa ay isbaleen markii naadiga Unitedka uu Goal u saxiixay ciyaaryahanka da’da yare e ka ciyaara dhanka daafa dhexe ee naadiga Man, Jones.

Dad badan ayaa aaminsanaa in Goalkaasi ay Chelsea ay soo bar bareeyn doonto laakin waxaa arrintaasi beeniyay ciyaaryahanka reer Portugal ee Luis Nani  kaddib khubad aad u qurux badan oo uu lasoo dhexmaray daafacyada Chelsea oo taagtaagan ku hubsaday shabaqadda naadiga Chelsea.

Naadiga Chelsea oo wali aaminsan in ay soo bar bareeyn doondo Unitedka ayaa waxa ay madax xannuun ka qaaday isla qaybtii hore ee ciyaarta markii khubad lagu sameeyay mar labaad daafacyada Chelsea uu ka faa’ideystay halyeeyga naadiga Wayne Rooney oo tan iyo inta uu furmay Horyaalka primer Leuga Goal la’aan aan ka bixin garoonka shabaqadda Chelsea lulay.

Waxaana taageerayaasha naadiga Man oo garoonkooda All Trafford  ay ku qaylinayeen halkaan waa masraxii riyada ee Chelsea ha iska quusato waxaana arrintaasi niyad jab weyn ka qaadat taageeradyaasha kooxda Chelsea oo laga gaca sareeyo.

Ciyaarta ayaa lagu kala nastay qaybtii hore 3-0 oo ay ku hoggaamineyso kooxda Man United, markii isku soo laabtay kaanbiyaha kaddib ciyaarto oo socota hal daqiiqo ayaa waxaa naadiga Chelsea Goal u dhaliyay Fernando Torres oo mudda socon kullan ah aan wax Goal ah dhalin taasi oo saameyn ku yeelatay safashada xulka dalka Spain.

Garoonka All Trafford waxa qabsaday sawaxanka taageerayaasha naadiga Man United oo aad ugu faraxsan sida loo canaantay Chelsea.

Ciyaark xiisaha ay laheed isma baddalin dhanka Chelsea waxa ay iska beer dareysay fursado qaali ah oo ay isga dabooli karta ceebta lagu dhigayo si la mid ah ciyaaryahanada Unitedka ayaa iyana qasaariyay jaanisyo ay ku sii kordhi kareen Goollasha ay ku lahaayeen Chelsea.

Waxayna ciyaarta ay gabi ahaanba ay ku soo idlaatay 3-1 oo ay guushu ku raacday naadiga horyaalka difaacaneysa ee Manchester United.

Ciyaartaan dhex mareysa Manchster United iyo Chelsea waxaa geeska afrika laga daawan doonaa 6:00 maqribnimo waana kulan kamida kuwa ugu xiisaha badan dunida waxaana ay ciyaartani kadhici doontaa garoonka Old Trafford.

Ciyaartaan ayaa sitoos ah looga daawan doono Sky Sports 1 waxaana laga dhageysan doona BBC Radio 5 live iyo idaacadaha gudaha ingriiska waxaana soo tabinaya wariye Jonathan Pearce oo BBC-da katirsan.

Kooxda Manchester United ayaa wayn doonta 4 xidig oo muhiim u ahaa kooxda kulan waxaana kamida Tom Cleverley, Rafael, Danny Welbeck iyo kabtanka kooxda Nemanja Vidic.

Tababaraha kooxda Manchester Sir Alex Ferguson iayaa rijeyna in uu kusoo bilaabo daafaca adag ee Rio Ferdinand, kaas oo lanasiyay kulankii Benfica.

Weeraryahanka kooxda Chelsea Didier Drogba ayaaa wali xanuunsanaya waxaana uu seegi doonaa kulankan.

John Terry iyo Frank Lampard ayaa dib ugu soo labanaya kooxda kuwaa oo seegay kulankii Chelsea iyo Bayer Leverkusen. ee asbuucii hore.

Chelsea ayaa dooneysa in ay ka,aarsato United guul daradii ay sanadkii hore ugu geystay taas oo gacanteeda kala baxday horyaalka tiiyoo ay jiro in Chelsea laga soo reebay koobka horyalada yurub.

Tababaraha kooxda Chelsea Villas Boas ayaa aaminsan in kooxdiisu aaney qasaaro caawa kala soo kulmi doonin kooxda United.

Kubada sameeyaha kooxda Chelsea Frank Lamprd ayaa sheegay in kulan kasta oo uu laciyaarayo Man United uu yahay kulankiisa ugu adag kubada cagta.

Daafaca kooxda United Evra ayaa usheegay Daily Star in Chelsea aaney kufakarin in ay guul kaqaado garoonka Old Trafford.

Javier Hernandez ayaa dhaliyay 3 gool 5 kulan oo uu kahortagay kooxda Chelsea xagagii lasoo dhaafay.

Manchester United ayaa adkaatay 4 kulan 5 jeer oo ay labadan koox kulmeen xagagii lasoo dhaafay.

kooxda Manchester United ayaa dhalisay 18 gool 4-tii kulan ee ugu horeysay horyaalka Ingriiska waana kooxdii labaad ee sidaa sameysay kadib Wolves oo 20 gool dhalisay 4-tii kulan ee ugu horeysay horyaalka 1947-48.

Labadan koox waxaa ay taariiqda kulmeen 161 jeer 70 kamida waxaa adkaatay United 44 kulana waxaa adkaatay Chelsea iyagoo 47 kulana ay bar bar dhac galeen waxaana ay ciyaartani noqon doontaa kulankii 162 aad ee dhex mara labadas naadi.

MANCHESTER UNITED waxaa ay ciyaari doontaa shaxda caalamiga ah ee 4-4-2 waana sidan hoos kuqoran.

Goosha De Gea

Daafaca:Smalling, Ferdinand, Jones, Evra

Qadka dhexe:Nani, Anderson, Fletcher, Young.

Weerarka:Rooney, Hernandez.

CHELSEA waxaa iyana ciyaari doontaa shaxda 4-3-3 madaama ay guul doon tahay waana sidan hoos kuqoran

Goolhayaha:Cech

DaafacaBosingwa, Ivanovic, Terry, Cole

Qadka dhexe:-Mikel, Lampard, Meireles

Weerarka:Mata, Torres, Maloud

Saacadaha kulamada galabta ee horyaalka Ingriiska.

3:30 Tottenham H. vs Liverpool

5:00 Fulham vs Manchester C.

5:00 Sunderland vs Stoke C.

16:00 Manchester U. vs Chelsea.

Kooxda Chelsea ayaa saddex gool iyo gool waxay ku dubatay Kooxda Norwich City, kadib ciyaar ka dhacday garoonka Stamford Bridge ee Kooxda Chelsea, waana kulankii labaad oo ay guul ku soo hoyso gurigeeda.

Chelsea ayaa goolka ku hormartay daqiiqadii 6aad waxaa u saxiixay ciyaaryahanka daafaca ka ciyaara ee Bonsingwa, goolkaas ayaa qeybtii hore ciyaarta lagu kala nastay.

Qeybtii labaad ayaa Kooxda Norwich ay heshay fursad ay ku bar bareysay Chelsea, waxaana ahaa gool uu qalad ku lahaa Goolhayaha Chelsea.

Daqiiqadii 82aad ayaa rigoore loo dhigay Chelsea waxaa ku salaxay ciyaaryahan Frank Lampad, waxaana dhamaadkii ciyaarta goolkii saddexaad u dhalay Chelsea ciyaaryahankooda cusub Juan Mata oo ahaa goolkiisa u horeysay.

Ninka ay isku dhalashada yihiin Fernando Torres ayaa wali ay heysaa abaartii xaga goolasha, mana u suura gelin wali inuu goolkiisa u horeeyay Horyaalka ku daah furo.

Didier Drogba ayaa ka dhaawacmay Chelsea, iyadoo garoonka looga saaray Bareelo, kadib markii ay isku dhaceen isaga iyo goolhyaha kooxda Norwich City, waxaana dhaawiciisa ahaa mid ciyaarta tobanaan daqiiqo hakad geliyay, inkastoo 11-daqiiqo dheeraad lagu daray.

Kooxda Liverpool ayaa iyana ku badisay saddex gool iyo gool, kadib markii ay Bolton oo gurigeeda marti ugu aheyd ay goolashaas u saarisay, waxaa goolasha kala dhaliyay Charlie Adam, Henderson iyo daafacdooda Skrtel.

Liverpool ayaa hogaanka ku qabatay guushaas, inkastoo dhibcaha ay wadaagaan Chelsea iyo Wolverhampton oo ay wada leeyihiin min 7-dhibcood, hase ahaatee Liverpool ayaa dhinaca goolasha ku sareysa.

Natiijadii kulamadii maanta sidan ayay u dhacday:-

Aston Villa 0 – 0 Wolverhampton W.
Wigan Athletic 2 – 0 Queens Park R.
Blackburn R. 0 – 1 Everton
Swansea C. 0 – 0 Sunderland

Qaar ka mid Sawirada ciyaarihii maanta la ciyaaray ee Kooxaha Ingiriiska

Koox ciyaartoy kubada cagta

Koox ciyaartoy kubada cagta ah oo ka kooban 17 isla markaana qaarkood ku jiraan qaranka wadanka Liibiya ayaa shaaca ka qaaday inay si toos ah ugu biirayaan ayna u taageerayaan kooxaha kacdoonka ka wada dalkaasi ee sida ba’an uga soo horjeeda Mucamar Al-Qadaafi oo wali ku adkeysanaya in uu yahay hogaamiyaha Liibiya.

Ciyaartoydan ayaa waxaa ka mid ah goolyaha xulka qaranka Liibiya Juma Gtat iyo sadex ciyaartoy oo kale waxaa sidoo kale ka mid tababaraha kooxda ugu sareysa magaalada Triboli ee kubada cagta ee lagu magacaabo Al Ahly (Al Ahli) Adel Bin Issa.

Mr Gtat & Mr bin Issa ayaa ku dhawaaqay dhawaan go’aankooda ka dib markii ay habeen hore kulan waqti dheer qaarey ay ku yeeshaan magaalada buuraleyda ah ee ku taal galbeedka Liibiya ee lagu magacaabo Nafusa

“Waxaan u sheegayaa Col Gaddafi in uu na dhaafo oo uu naga tago oo faraha kala baxo Liibiya, si ayn u abuurno Liibiya xor ah”, sidaasi waxaa yiri Mr Gtat oo ku fadhiyey sariirta hotelka uu degan yahay ayna la joogeen ciyaartoy kale.

Inkastoo talaabadan ay u tahay propaganda kooxaha mucaaradka hadana wiilal kubada cagta ciyaara oo Col.Qadaafi uga baaqaya in uu iska tago ma ahan wax laga filan karo in uu warkooda dhagaha u raariciyo, maadama iyadoo la duqeynayo oo culeys ba’an lagu hayo uu ka doorbidayo in uu dhuumaalayso ku dagaalamayo oo dalka hogaankiisa sii xajisanayo.

Dhinaca kale Mr bin Issa wuxuu geestiisa sheegay in ay u yimaadeen buuraleyda galbeedka Liibiya si u muujiyaan in Liibiya ay mideysan tahay oo ay xor tahay.

Waxaan rajeynaa in subax uun ku soo tooso Gadaafi oo aan joogin halkaasi” ayuu hadalkiisa ku sii biiriyey Bin Issa.