Sarmaanyo.com

Magaalooyinka Khaatumo State Of Somalia Waxaa Maanta Ka Socda Olole Nadaafadeed

Editor — Fri, 18 May 2012 22:19:34 +0000

Maanta oo ah 18May waxaa magaalooyinka khaatumo state of somalia looga yaqaana maalinta qashin qubka, waxaana ka socda hawlo nadaafadeed oo baaxad weyn, kuwaasi oo aan ku koobnayn maalintan oo keliya.

Shacabweynaha deegaanada Khaatumo maalmahanba waxay wadeen abaabulkii iyo u diyaargarowgii maalintan sidii ay deegaanada uga samayn lahaayeen hawlo nadaafadeed oo wax ku ool ah.

Hadii allaha awooda lihi ogolaado dib ayaanu idiinka soo tebin doonaa wararka ku saabsan maalintan nadaafada gobolada Khaatumo State Of Somalia, oo xitaa lagu xasuusto in shacab u dhashay deeganadani ay qurbaha ka xuseen.

Arrintan ku saabsan maalinta nadaafada ee deegaanada Khaatumo State Of Somalia xitaa waxaa sawir gacmeed aad u qurux badan ku muujiyey Amiin Caamir oo isagu ah had iyo jeer dareenka shacabka soomaaliyeed ku muujiya sawir gacmeed aad iyo aad u cajiib ah.

Ogaysiis kongresskii koowaad ee jaaliyadaha khatumo diaspora association Sweden oo ka dhacaya Stockholm 26ka may 2012

Editor — Thu, 17 May 2012 11:13:19 +0000

Ogaysiis kongresskii koowaad ee jaaliyadaha khatumo diaspora association Sweden oo ka dhacaya Stockholm 26ka may 2012

Waxaa Jaaliyada Khatumo Diaspora Association Sweden oo fadhigeedu yahay Stockholm ay ugu baaqaysaa dhamaan faracyada jaaliyadaha Khatumo Diaspora Association ee ku dhaqan gobolada Sweden ka soo qaybgal kongress ka dhacaya Stockholm oo ay soo qabanqaabisay marti galinaysana jaaliyada Khaatumo Diaspora Association Sweden. Agandaha kongresska waxaa isagoo qoraal ah loogu soo gudbinayaa dhammaan jaaliyadaha.

Goobta: Risneleden 8. Tunnelbana station: Hallonbergen Wakhtiga: 26 may 2012 Saacada: 15:00 – 22:00 “Sadexda galabnimo ilaa tobanka fiidnimo”

Nagala soo xidhiidh: khatumo.sweden

Xigasho hurufadhi.com

Garoonkii Diyaaradaha Taleex Oo La Furay

Editor — Thu, 17 May 2012 11:08:02 +0000

Garoonkii Diyaaradaha Taleex Oo La Furay(DAAWO SAWIRO)

Madaxwayne Axmed cilmi cismaan ayaa maanta si rasmi ah u shaaciyey in uu furan yahay garoonka diyaaradaha ee Seyid Mohamed abdulle Hassan Intetnational Airport waxaana madasha furitaanka kasoo qayb galay Madaxda dowladda oo ay kamid yihiin golaha madaxtooyada khaatumo golaha wasiirada khaatumo.

Wasiirka wasaaraada Horumarinta iyo khayraadka dabiiciga ah mudane C/kariin faarax dhaaye ayaa madaxwayne axmed cilmi cismaan ka dalbaday in uu ku dhawaaqo in uu si rasmi ah u furanyahay garoonka diyaaradaha ee Sayid mohamed abdule hasan international Airport kadib markii khuburo dhanka garoomada ahi ay shaaciyeen in uu furanyahay garoonku.

Geesta kale madaxwayne axmed cilmi cismaan oo ku dhawaaqay furitaanka garoonka ayaa sheegay in dhawaan ay u guuri doonaan dhamaan qalabka iyo Wasiirka wasaaradda horumarinta iyo khayraadka dabiiciga ahi u guuri doonaan Magaalada buuhoodle ee Xaruunta Gobolka cayn.

Isku soo wada duuboo waxaa furitaanka garoonka si aad ah usoo dhaweeyey shacabka deeganada khaatumo

Maxamed Cismaan c.nuur xaashi

Taleex.

Xigasho:Realtaleex

Md: Faroole Oo Ka Hadlay Sababaha Keenay Ergadii Puntland In Ay Ka Noqdaan Shirka Muqdisho

Editor — Thu, 17 May 2012 10:54:37 +0000

Md: Faroole Oo Ka Hadlay Sababaha Keenay Ergadii Puntland In Ay Ka Noqdaan Shirka Muqdisho

Kaddib markii labo maalin ka hor ay odayaal-dhaqameed ka socday deeganada Puntland ay ka noqdeyn shirka Muqdisho, ayaa waxa ka hadlay arrintaas madaxweynaha maamulka Puntland C/raxmaan Faroole.

Madaxweyne Faroole oo hadda ku sugan dalka Hindiya ayaa ugu horeyn ka hadlay in Puntland ay qaadacdo shirka Muqdisho uga socda odayaasha dhaqanka, kaa oo lagu soo xulayo xubnaha ansixinaya dastuurka Soomaaliya.

Madaxweynaha ayaa yiri “Arrimaha Soomaaliya waxa ka qaadanay door muhiim , waxa aan isku tax luujinay in ay wax hirgalaan oo wadankan nabad lagu soo dabaalo, iyadoo dastuurkana la hirgalinaayo, dhinaca Puntland, waxa ay qabatay labo shir oo ka dhacay Garoowe, iyo kii Muqdisho waxyaabo badan ayaana ka soo baxay, annaga Puntland wixii noo gaarka ahaa waan hirgalinay, laakin qolyahaya dowladda Fadaraalka KMG ah, ayaa wax badan isku qasay, waxa aan annaga aan dooneynay in dastuur loo sameeyo Soomaaliya oo nalgu daro annaga guddiyada ansixinaya, laakin TFG-da ayaa diidan arrintaass”

Madaxweyne Faroole ayaa dhaliilay wasiirka dastuurka XKMG ah Cabdiraxmaan Xoosh Jibriil, Kaa oo uu sheegay in wax badan uu ku ciyaaray, waxa ay DKMG ah 31- April noo soo direyn warqad ay ku qoran tahay qaabka la doonayo in loo ansixiyo dastuurka Soomaaliya, laakin markii warqada aan aragnay, wax ku yaala haba yaraatee ma lahan, wax shaqo ah oo ay qabtay dowladda ma jirto, annaga markii waxaas oo dhan aan aragnay, ayaan ka biya diidnay howlaha hadda sida ay wax u socdaan” ayuu yiri Faroole.

Madaxweyne Faroole oo la hadlaayay BBC-da ayaa la weydiiyay maxa xigga marka haddii aad kala soo baxdeyn egadiina shirka Muqdisho, iyo in ilaa hadda wax qancis ah loo muujiyay?

Wuxuu yiri ” Annaga marka aan ka biyo diidnay waxa sida ay u socdaan, waxa aan durba warqad udirnay beesha caalamka iyo saxiixayaashii Roud-Mapka waxana u sheegnay in la iskugu yimaado magaalada Addis Ababa ee dalka Ethiopia, halkaas oo aan u aragnay meel kuwanaagsan in looga hadlo arrimahan”

Wuu sii hadlay ” Odayaal in Xamar lagu shiriyo, oo wax aysan ka warheyn looga sheekeeyo, waxa aan noo cuntameynin, waayo shirkii Garoowe 1 iyo Garowe 2 iyo kii Roud-Mapka lagu ansixiyay, waxa inoo muuqda hadda in la doonayo in dadka la jiirsiiyo wax aysan qaadan karin, oo meesha wax aan Transpalance wax la yiraahdo aysan ka jirin,annagu waxa aan dooneynaa shirka in uu noqdo kii lagu ansixiyay dastuurka Puntland ee ka dhacay Garoowe, marka hadda waxa socda dadka oo dhan ayaa ka biyo diidsan, annaga kuma qanacsanin, TFG-da hadda waxa ay ku mashquulsan tahay doorashada, cid kale oo ku mashquul san dalkan in uu yeesho dastuur rasmi ah oo loo dhan yahay ma aragno” ayuu yiri madaxweyne Faroole.

Madaxweyne Faroole ayaa la weydiiyay, haddii uu la socdo heshiiskii Kampala Accord ee sanadkii hore madaxda DKMG ah ay ku gaareyn Kampla.

” Heshiiskii Kampala waxa uu u dhexeeyay DKMG ah, annaga waxba nagama galin, laakin annaga waxa aan meel dhexe ka soo galnay kii lagu saxiixay Roud-Map-ka isagiina wax nalaga socod siiyay malahan, xittaa saxiixayaashii Roud-Map-ka lalama socodsiin waxa sida ay u socdaan, annaga waxa aan fileynay in ay soo baxaan wax qurux badan xittaa haddii aan nala socodsiin, laakin hadda waxaas meesha kama jiraaan” ayuu yiri Madaxweyne Faroole

Waxa wali muqdisho ku haray qaar ka mid duubabka Puntland oo aan iyagu Muqdisho ka imanin, kuwaas oo wali jooga magaalada Muqdishom kana qeyb galaya shirka odayaasha dhaqanka, waxana dowladda KMG ah ay sheegtay in shirka aan loo hakin doonin ergada Puntland ee ka noqday, oo dhowr qof ku sheegay.

Hadaba waxa laga warsugaya shirka ka dhacaya dhawaan magaalada Addis Abab ee dalka Ethiopia, kaa oo ay ka qeyb galaan saxiixayaasha Roud-Mapka oo kala ah: DKMG ah, Puntland, Galmudug, Ahlu Sunna. UNPOS, IGAD, AU, iyo Midowga Yurub.

Xigasho:RBC Radio

Xafladii ka dhacday magaaladda london 12/05/2012 oo aad u heer saraysay soona qaban qaabiyeey ururka gabdhaha SUROS ee jaalliyadda khaatimo,ayaa masuuliyiintii ka hadashay madashaashi ay soo jeediyeen badidoodu in heesta calanka ee khaatumo state of Somalia ,lagu daro manhajka waxbarashadda ee maamulka khaatumo state of Somalia.

darwiish — Wed, 16 May 2012 15:14:52 +0000

Sarmaanyo.com:- London:- Xafladii ka dhacday magaaladda london 12/05/2012 oo aad u heer saraysay soona qaban qaabiyeey ururka gabdhaha SUROS ee jaalliyadda khaatimo,ayaa masuuliyiintii ka hadashay madashaashi ay soo jeediyeen badidoodu in heesta calanka ee khaatumo state of Somalia ,lagu daro manhajka waxbarashadda ee maamulka khaatumo state of Somalia.

Heesta ayaa dhawr mar lagu celcliyay,iyadoo marba mark aka dambaysa ay sii jecleysanayeen maqalkeeda iyo miraheedaba jaalliyada khaatumo state of Somalia,iyo dadweynihii soomaaliyeed eek a soo qayb galay xafladaas.

Waxaa masuuliyiinta qaarkood ay xuseen in heesta astaanta calanka soomaaliyeed ee SOOMALIYEEY TOOSOO TOOSOO ISKU TIIRSADA uu curiyay abwaanka weyn ee wadaniga ah Dr.CALI MIRE CAWAALE, oo laftiisu yahay muwaadin ka soo jeedda maamulka khaatumo state of somaliya.

Hadaba heestan waxaa isagu maskaxdiisa kazoo shiilay abwaanka dhalinyaradda ah ee C/XAKIIM AADAN XASAN DHOOBLE oo loo yaqaan RUUSH.

laxanka waxaa ku ladhay Alfanaan C/nuur saalax Waa jaaz.

Musigana waxaa u hagar baxay nmacalin aabihii waa C/salaam siciid xasan JIMMY.

Waxaa codadkooda ku luqeynaya 8 fanaan oo ah kuwa loogu jecel yahay.

Bal mar kale naka dhagaysta Heestii calanka KHAATUMO STATE OF SOMALIA.

Halkan ka daawo heestii ay fanaaniintii qaadayaan.

Halkanna ka dhegeyso iyadoo maqal ah.

Download audio file (Heestii-Calanka-Khaatumo-State-of-Somalia.mp3)

Sarmaanyo.com

Laba Isim Oo ka soo kicitimay Togdheer Oo lagu soo dhoweeyay Buuhoodle Kuna sii jeeda xamar…

Editor — Mon, 14 May 2012 14:27:33 +0000

Laba Isim Oo ka soo kicitimay Togdheer Oo lagu soo dhoweeyay Buuhoodle Kuna sii jeeda xamar…

Wararka naga soo gaadhaya magaalada Buuhoodle Ee Xarunta Gobolka Cayn ayaa waxay sheegayaan inay halkaasi iminka marin u noqotay Siyaasiyiinta iyo madax Dhaqameedka Dabarka soo goostay Ee Gobolada Togdheer&Woqooyi-galbeed.

Waxay ahayd maalintii shalay markii ay 4nin Oo isugu jira siyaasiyiin iyo madax dhaqameedyo gaadheen magaalada Buuhoodle kadibna uga sii gudbeen dhinaca Gaalkacayo si ay halkaasi uga dhoofaan Oo uga qayb noqdaan Madaxdhaqameedka ku shirsan magaalada Muqdisho iyo waliba ka qaybqaadashada xiliga kala guurka ah Ee wadanku uu ku suganyahay.

Hadaba waxaa iyana Caawa soo gaadhay isla magaalada Buuhoodle Ee Xarunta Gobolkaasi Cayn Laba Suldaan Oo miisaan weyn ku leh Goboladaasi Togdheer&Woqooyi -galbeed lana kala yidhaahdo,

Suldaan Maxamed Xasan Bulbul(Suldaanka Reer Sugule)

Suldaan Axmed Cumar X C/laahi(Suldaanka Ba-dhulbahante)

Labadan isim oo ka soo jeeda Beesha Habar-yoonis kuna socda Magaala madaxda Somaliya Ee Muqdisho si ay uga qayb galaaan shirka lagu Ansixinayo Dastuurka Somaliya.

Labadan Suldaan Oo ka soo ambabaxay magaalada Burco ayaa waxay soo gaadheen magaaladda Buuhoodle , halkaas oo ay si wacan ugu soo dhoweeyeen dadweynaha Reer Buuhoodle maadaama ay garwaaqsadeen inaanay Somali ka maarmayn,labada Suldaan ayaa halkaasi uga sii kicitimeen dhinaca Gaalkacayo.

Ugu danbayntii ayaa waxaa soo kala dhuumanaya Isimadii,siyaasiyiintii iyo wax garadkii Siilaanyo ku hortaagnaa Goboladaasi Oo uu mudo ku maaweelnayay Dhalaanteedkii lawaayay iyo goosashadii madax martay, oo haatan u soo muuqaal eeg sheeko soo xidhmaysa……

Xigasho:Realtaleex.com

Maamulka Silaanayo ayaa dhawaan mar ay soo ururisay Madax dhaqameed gaadhaya ilaa 84 Suldaan ku sheegtay in ay Danbiilayaal noqon doonaan Madax dhaqameedka shirkaas ka qayb gashaa, hase yeeshee Salaadiin kale oo qaarkood wali Hargeysa ku sugan yihiin ayaa arrintaas ka soo horjeestay waxaanay Eeda tagitaanka Shirkaasi ee Madax dhaqameedka Dusha ka saareen Maamulka Siilaanyo laftiisa oo ay sheegeen inuu jabiyay Dabarkii ku xidhnaa.

Realtaleex News Desk.

Pro: Cali Khaliif Galaydh Oo Ka Mid Ahaa Xubnihii G10 Iyo Xubno Khaatumo State Of Somalia Ah Oo Ka Soo Degay Garoonka Aadan Cadde

Editor — Mon, 14 May 2012 14:26:22 +0000

Pro: Cali Khaliif Galaydh Oo Ka Mid Ahaa Xubnihii G10 Iyo Xubno Khaatumo State Of Somalia Ah Oo Ka Soo Degay Garoonka Aadan Cadde

Waxaa magaalo madaxda caasimada dalka soomaliya ee Muqdisho soo gaadhay wafti ballaadhan oo uu ka mid yahay Mudane Cali Khaliif Galaydh oo ah ruugcadaa siyaasi ah kana soo jeeda deegaanada Khaatumo State, waxaana halkaasi ku soo dhaweeyey qaar ka mid ah shacabweynaha soomaaliyeed iyo qaar ka tirsan madaxda dawlada TFG iyo weliba qaar ka mid ah madaxda maamul goboleedka Khaatumo State Of Somalia.

Waftigan uu Cali Khaliif ka mid ahaa waxaa markii dambe loo galbiyey huteelka caalamiga ah ee Ambasator oo ku yaalla Km4, waxaana magaalada Muqdisho horey u sii joogay xubnaha golaha dhaqanka, xubnaha golaha madaxtooyada, waxaanay dhamaantood yeelanayaan kulamo wada xaajoodyo ah.

Ururka Daryeel Ee Ka Hawlgala Magaalada Laascaanood Ayaa Xubno Badan Oo Ururkaasi Ka Mid Ah Ayaa Loo Wada Dhaadhiciyey Xabsiga Magaalada

Editor — Sat, 12 May 2012 18:51:07 +0000

Ururka Daryeel Ee Ka Hawlgala Magaalada Laascaanood Ayaa Xubno Badan Oo Ururkaasi Ka Mid Ah Ayaa Loo Wada Dhaadhiciyey Xabsiga Magaalada

Waxa xalay fiidnimadii ay bilaabeen ciidamada maleeshiyaadka Jabhada SNM inay guryaha ugu dhaceen xubno ka mida ururka daryeel ee ay xaruntiisu tahay magaalada laascaanood, ilaa haatana lama oga tirada rasmiga ee ay guryahooda ka qafaasheen.

Talaabadan foosha xun ee loo adeegsanayo shacabka Khaatumo State Of Somalia wuxuu yahay mid la doonayo in lagu wiiqo ururada deegaanka ka hawlgala, ee iyagu iskood isu xilqaamay, dhinaca kale guryaha loo dhacayo habeenkii badhkii waa mid lagaga aargoosanayo shacabkaasi aan waxba galabsanin, maadaama guryaha jabhada SNM loo dhici jirey waagii ay dawlada Maxamed Siyaad Barre dalka ka talinaysey.

Maleeshiyaadka Jabhada SNM ee iyagu adeegsanaya kooxaha horgalayaasha loo yaqaano waxay bilaabeen inay shacabka Laascaanood ula macaamilaan sidii waagii berisamaadkii loola macaamili jirey, waana arrin aysan waxba ka qaban karin kuwa horgalada ah ee deegaanka u dhashay, sidaasi waxaa sheegay oday shacabka magaalada ka mid ah.

xigasho Aftaag.com

Puntland oo ka hortimid qaabka uu u qoran yahay Dastuurka cusub kuna tilmaantay in uu yahay mid aanay Soomaalida qaadan karin

editor — Fri, 11 May 2012 16:15:26 +0000

Puntland oo ka hortimid qaabka uu u qoran yahay Dastuurka cusub, kuna tilmaantay in uu yahay mid aanay Soomaalida qaadan karin. Faroole” Dastuurka Cusub Uma Eeka Dastuur Dal Ku Dhaqmi Karo

Kaddib markii waayadaanba uu socday buuq fara badan oo ku wajahnaa Dastuurka cusub ee la rabo in la ansixiyo laguna dhaqo dalka iyo dadka Soomaaliya, kaasoo ay inta badan aqoon yahanada Soomaaliyeed ka hor yimaadeen, ayaa waxaa iminka qaabka uu u qoran yahay Dastuurkaas saluugay, diidmana ka keenay maamul goboleedka Puntland.

Dastuurkaan cusub ayaa waxaa horay si weyn ugu ololeynayay in ay Soomaalida qaadato, isla markaana ansixiso dowladda KMG ah ee Soomaaliya, maamul goboleedka Puntland, maamul goboleedka Galmudug iyo shaqsiyaad kale oo faro ku tiris ah oo aanay jirin cid ay matalayeen.

Baaq digniin ah oo ay AMISOM soo saartay Aril 26, 2012 oo uu cinwaankiisu ahaa ayay cinwaan uga dhigtay eesha caalamka Amisom-warns spoilers against disrupting the peace process ayaa si adag looga digay Soomaalida in aanay isku dayin in ay hor-istaagaan marxaladda kala guurka ah iyo geedi socodka nabadda Soomaaliya.

Warqad si toos ah ugu socota shacabka Soomaaliyeed oo uu cinwaankeedu ahaa Somalia UN envoy strongly warns against undermining peace process ayaa iyana waxay si adag ugu digeysay qof kasta oo Soomaali ah oo isku dayi kara in uu is-hor-istaaga nidaamka geedi socodka nabadda Soomaaliya.

Haddaba ayada oo ay intaasoo digniin ah iyo kuwo kale oo badanba ay bulshada caalamka kasoo saartay, ayaa hadda waxaa dadkii badnaa ee horay u diidanaa Dastuurka cusub kusoo kordhay maamul goboleedka Puntland oo aan ilaa iyo hadda la garaneyn sababta dastuur ay horay u ayidsanaayeen ay uga hor yimaadaan.

Sababta si kastaba ha ahaatee, waxaa guul usoo hoyatay umadda Soomaaliyeed lagu tilmaami karaa go’aanka ay Puntland ku gaartay in ay uga horimaado Dastuur ay inta badan umadda Soomaaliyeed ku qanacsaneyn una arkaan mid ay shaqsiyaad dano gaar ah leh wataan.

Halkaan ka akhri qoraalka oo uu madaxweyne Faroole ku saxiixan yahay oo Af Ingiriis ku qoran.

Maxamed Faarax, Gaalkacyo/Somalia.

Sarmaanyo.com

Xukuumadda Federaalka oo Rajo ka muujisay meel marinta dastuurka

editor — Fri, 11 May 2012 16:07:04 +0000

Afhayeenka Xukuumada Soomaaliya ahna La Taliyaha Ra’iisul Wasaaraha Eng. C/raxmaan Yariisow ayaa sheegay in Xukuumada ay ka go’an tahay dhaqan gelinta dariiqada Nabada ee loogu yeero Road Map-ka.

“Xukuumada dadaal badan ayay ku bixineysa sidii Road Map-ka u dhaqan geli lahaa, rajo wanaagsan ayaan ka qabnaa in la ansixiyo Dastuurka, xilliga KMG laga baxo”ayuu yiri Eng. Yariisow oo la hadlay mid ka mid ah Idaacadaha Maxaliga ee Muqdisho.

Eng. Yariisow ayaa sheegay in laga gudbo marxalada kala guurka ee uu dalka ka jiro uu muhiimad u yahay shacabka Soomaaliyed, si loo helo Dowlad rasmi ah oo aan KMG aheyn, isagoo tilmaamay in ifafafaalahaas uu soo muuqdo.

Shirka 135-xubnood ee madax dhaqameedyada ayaa lagu soo xulayaa 825-xubnood oo qeybaha bulshada iyo dhaqanka ah, kuwaas oo ansixinaya Dastuurka qabyo qoraalka, isla markaana soo doorta Baarlamaan cusub oo bedela kii hore.

Siyaasiyiinta iyo qeybaha bulshada ayaa si adag uga biya diidanaa Dastuurka qabyo qoraalka, iyo Road Map-ka, kaasoo ay ku sheegeen in aanu ka turjumeyn danta Umada Soomaaliyed, hase ahaatee Wasaarada Dastuurka ayaa sheegtay in wax badan laga bedelay qaar ka mid ah qodobada ay xasaasiyada ka timid ee ku jira Dastuurka.