Laascaanood

LAASCAANO, Soomaaliya — Tiro dad ah oo gaadhaya 65 qof ayaa weli ku xidhan jeelasha Caynaba dadkaas oo laga qaaday gudaha magaalada dadkan oo iskugu jira dumar caruur iyo waayeel ayaa weli xidhan.

Ma aha markii ugu horeysey ee tiro dad ah oo noocana loo qaado magaalada Caynaba.

Sanado ka hor markay Somaliland soo gashay gudaha magaalada ayey ahayd markii la qaaday dad intan ay tiradoodu gaadhayso.

Dhanka kale dhawaan ayey ahayd markii nin qarax wadey uu ku qarxay meel udhow Hotel Xamdi, ninkan oo sida la sheegay qorshihiisu ahaa inuu isku qarxiyo Hoteel Xamdi oo xarun u ah madax ka tirsan maamulka Somaliland.

Qaraxan ayaa dhacay intii uusan ninkani gaadhin Hoteel Xamdi.
Ninkan oo jidhkiisii aad u gubtay,adagtahayna in la aqoonsado, ayaa ilaa iyo hadda aysan maamulka Somaliland sheegin magaciisa iyo meesha uu ka yimid.

Maydka qofkii qarxay

Sawirka maydkii qofkii qarxay

Waxaa ayaguna lacag baad ah laga gurtay dadka u dhashay koonfurta Somaliya ee ku sugan gudaha magaalada laascaanood yadoo marmarsiyo looga dhigayo wax ay dowladada hoose ugu yeedhay kaadhka aqoonsiga yadoo qof kasta oo reer koonfureed ah laga qaadayo lacag dhan $10 (toban Dollar) iyo afar sawir.

Mohamed Osman Abdinoor,
Laascaanood

Ali Jama Jengeli, The foreign Minister of Somalia

Somalia’s government will close three of its five embassies in Europe because of lack of economy as Ali Ahmed Jama Jengeli, the foreign minister of the transitional federal government has told the BBC.

Its been understood the embassies in Paris, Berlin and Somalia’s mission to the UN in Geneva are the most likely to be closed.

Funding crisis has forced the fragile government to close the embassies in Washington and London years ago.

Wafdi ka Socda Q.M.

Wafdi ka socda Qaramada Midoobay iyo beesha Caalamka oo uu hogaaminaayay ku xigeenka wakiilka Qaramada Midoobay u qaabilsan Soomaaliya Mr. Jarles Bitter ayaa soo gaarey magaalada Muqdisho.

Wafdigan oo ka kooban 11 xubnood waxay kulamo gooni gooni ah la qaateen Madaxweynaha dowladda KMG ah ee Soomaaliya mudane Sh. Shariif Sh. Axmed iyo Ra’isal wasaaraha xukuumadda KMG ah ee Soomaaliya mudane Cumar C/rashiid Cali Sharmaarke.

Kulamadaan ay yeesheen masuuliyiinta sar sare ee dowladda iyo wafdiga Qaramada Midoobay waxaa lagu lafa gurey xaaladdda siyaasadeed iyo mida dhaqaale ee dalka iyo sidii Qaramada Midoobay iyo beesha Caalamku u taageeri lahaayeen hirgelinta barnaamijka siyaasadeed ee dowladda mudada u harsan.

Wasiirka qorsheynta iyo iskaashiga caalamiga ah mudane C/raxmaan C/shakuur Warsame oo kulanka kadib, saxaafada la hadlay waxaa uu sheegay in shirkaasi dhamaan qodobadii looga hadlay si fiican la isugu afgartey.

Wafdiga ayaa intii ay joogeen magaalada Muqdisho waxay soo kormeereen xarumaha uu tababarka uga socdo ciidamada dowladda, si ay ugu kuurgalaan heerka diyaargaroow ee ay ciidamadu ugu jiraan sidii ay amniga u soo celin lahaayeen

Mas'uulyiinta Midowga Africa - Addis Ababa (31ka Jannaayo, 2010)

Guddoomiyaha gudiga Ururka Midowga Afrika Mr. John Pean ayaa uga mahadceliyay go’aanka ay dowladda Jabuuti ku gaartey in ay Soomaaliya ciidamo ugu soo dirto, isagoo sheegay in Midowga Afrika uu soo dhaweynayo go’aankaas.

Mr. John Pean ayaa hadalkan ka jeediyay kadib markii uu shir kula yeeshay Madaxweynaha dalka Jabuuti mudane Ismaaciil Cumar Geelle, wuxuuna sheegay in go’aankaasi uu qiimo weyn ku fadhiyo marka loo eego xaaladda cakiran ee ka jirta gudaha dalka Soomaaliya.

Mr. John Pean wuxuu ku amaanay dowladda Jabuuti doorka firfircoon ee ay ka soo qaadatay xal u helida arrimaha Soomaaliya, gaar ahaan shirarkii dib u heshiisiinta Soomaaliya, iyadoo marti gelisay shirkii lagu soo dhisay dowladda KMG ah ee Soomaaliya, kaasoo lagu soo doortay Madaxweynaha dowladda KMG ah ee Soomaaliya mudane Sh. Shariif Sh. Axmed.

Somalia

MUQDISHO, Soomaaliya –  Shir uu isugu yimid Golaha wasiirada dowladda KMG ah ee Soomaaliya oo uu shir-Guddoominayay Ra’isal wasaaraha Soomaaliya mudane Cumar C/rashiid Cali Sharmaarke ayaa ka dhacay xarunta Golaha wasiirada ee magaalada Muqdisho.

Shirkaan oo todobaadkiiba mar la qabto ayaa waxaa looga dooday warbixin uu soo jeediyay Wasiirka shaqada iyo shaqaalaha mudane Maxamed Cabdi Xayir Maareeye.

La taliyaha Ra isal wasaaraha Cabdi Xaaji Goobdoon oo shirkaas kadib saxaafada la hadlay ayaa sheegay in shirkaasi Golaha wasiiradu kaga doodeen warbixin uu soo jeediyay Wasiirka shaqada iyo shaqaalaha mudane Maxamed Cabdi Xayir Maareeye, kuna saabsanaa daryeelka shaqaalaha dowladda, waxaana uu sheegay in shaqaalaha dowladdu u baahan yihiin in loo helo daryeel dhaqaale, si iyagana ay u gutaan waajibaadkooda shaqo.

Wuxuuna sheegay in dood iyo falanqeyn kadib, la isku afgartey in wax laga qabto daryeelka dhaqaale ee shaqaalaha, si loo tayeeyo howlaha Hay’addaha dowladda.

Warbixintan ayaa ka mid aheyd waxyaabihii ka soo baxay aqoon-isweydaarsigii lagu qabtey magaalada Jabuuti ee caasimada dalka Djabuuti oo ay ka qeybgaleen 7 Wasiir oo ka tirsan dowladda uuna ka mid ahaa Wasiirka shaqada iyo shaqaalaha

Beckford & Bassong: Leeds-United v Tottenham (Getty Images)

Kooxda Tottenham Hotspur ayaa xalay burburisay riyadii ay Leeds United ka qabtay inay dib ugu soo labaato horyaalka Ingiriiska iyo garoomada qaaradda Yurub, ka dib markii 3 gool oo u dhaliyey Jermain Defoe ay Tottenham gacanta u saareen ka qaybgalka wareegga 5aad ee FA Cup-ka.

Tababaraha Tottenham oo ogaa in Leeds United ay tahay naadi adag oo horey FA Cup-ka kuga soo reebtay Manchester United ayadoo joogta Old Trafford, Tottenham laftigeedana bareejo 2-2 ku soo qabatay White Hart Lane ayaa cayaartaan wuxuu u soo doortay laacibiinta ad-adag ka mid yihiin Defoe, Crouch, Bassong iyo Kranjcar.

Leeds United waxaa weerarka u hayey Jermaine Beckford iyo Luciano Becchio oo gadaal ka taageerayey.

Isla markii cayaartu bilaabatayba kooxda martida ay ayaa waxay heleen fursado ay goolal ku dhalin kareen, ayadoo Sebastian Bassong iyo Peter Crouch ay khalkhal geliyeen difaaca Leeds United.

Michael Doyle ayaa kooxda Leeds United siiyey fursadii u horreysey oo ay heleen daqiiqaddii 13aad, halkaasoo uu ku khasbay Gomes inuu is kala bixiyo si uu u tiigsado kubad ku socotay shabaqa Tottenham.

Daqiiqaddii 34aad ayaa kooxda Tottenham heleen goolka cayaarta u horreeyey, waxaana u dhaliyey Defoe.

David Bentley oo dhif iyo naadir ugu safta kooxda Tottenham ayaa wuxuu kubadda la daba maray Hughes dabadeedna wuxuu gadaal ugu baasay Defoe, markaasna Defoe ayaa asagoo sii jeeda kubbadda gadaal ugu soo celiyey goolka Leeds, waxayna noqotay 1-0 ay Tottenham leedahay.

Haseyeeshee intaan seeriga nasashadu yeerin ayaa Leeds soo ceshatay goolkii lagu lahaa, ka dib markii Jermaine Beckford kubaddii uu ku darbeeyey goolka Tottenham oo goolhaye Gomes ku soo tufay dishootaha halkaasna laacibka khadka dhexe uga cayaara Leeds United ee Luciano Becchio uu si fudud ugu celiyey goolka bannaan ee hortiisa ahaa.

1 iyo 1 ayaa lagu kala nastay kaambiyadii.

Markii kaambiyada laga soo laabtay daqiiqado ka dib ayaa Defoe wuxuu bilaabay inuu tijaabiyo shabaqa Leeds, ayadoo uu goolkiisii badbaadiyey goolhayaha Denmark u dhashay ee Leeds, Ankergren.

Defoe ayaa u maleeyey inuu gool labaad u keenay naadigiisa 67aad, haseyeeshee calanwadaha ayaa u sheegay inuu offside ku jirey, daqiiqado ka dib ayuuse gool labaad u dhaliyey Tottenham cayaartiina ka dhigay 1-2 ay leeyihiin kooxda Spurs.

Bentley ayaa goolkaan labaadna mar labaad u soo dhigay Defoe.

Crouch ayaa kubad uu soo laaday ku dhuftay birta goolka, halkaasna ku khasaariyey gool saddexaad oo Tottenham hesho, haseyeeshee Defoe ayaa goolkiisii 3aad ee cayaarta iyo Tottenham-ba wax yar ka dib dhaliyey, halkaasna ku keensaday hat-trick (saddex gool oo hal laacib cayaar dhexdeed ku dhaliyo).

Goolkaan saddexaad ayaa ku yimid weerar celis ay Tottenham soo qaadday intii Leeds ku maqnaayeen dhanka kale ayagoo raadinaya inay caarta bareejeeyaan, wuxuuna Defoe ula soo cararay kubadda dhanka goolka Leeds, wuxuu u gooyey goolhayaha Ankergren wuxuuna dabiyey mariyey kubaddii, sidaasna cayaarta kaga dhigay 1-3.

Leeds United oo mar ahaan jirtey naadiyada Yurub ugu waawayn, soona gaartay semi-final-ka Champions League sanadkii 2003 ayaa hadda ka cayaarta horyaalka saddexaad ee Ingiriiska ka dib markii dhaqaale burbur ku dhacay, waxayna rajaynayeen in FA Cup-ka oo ay ku guulaystaan ay ku yimaadaan Premier League iyo Europa League oo naadiga koobkaan qaadaa haddii uusan ka mid ahayn 6da kooxood ee u sarraysa uu ku helo jaanis uu Yurub kaga cayaaro.

Dhuxul la gubayo

(Sarmaanyo.com) – Dhoofinta Dhuxusha iyo Xaalufka lagu hayo Degmada Sarmaanyo ayaa weli si isdabajoog ah uga socda, waxaana iminka in baabuur Dhuxusho,sidoo kale .

dhulka Xoolo daaqeenka ee ku yaalla qeybaha kala duwan ee Gobolka sool,gaar ahaan Degmada Sarmaanyo ,waxana Xaalufmey oo lama degaan noqdey dhul aad hodan ugu ahaa Daaqa Xoolaha.

Dhoofinta iyo Xaalufinta lagu hayo Gobolka Sool ayaa ka soo billowdey Burburkii Dowlladdii Dhaxe ee Soomaaliya,iyadoo dhoofinta iyo Xaalufinta deegaanka ay halkaas ka wadeen Ganacsato ka soo duuley Gobolda nugaal Sanaag bari mudug iyo dadka reer laascaanood

dadka deegaankaas aan ku qanacsaneyn in la xaalufiyo deegaankooda.Shacabka degmada Sarmaanyo ay isku tageen is loo badbadin lah Dhulka Xoolo daaqeenka ah dadka ee deeganka
Sarmaanyo

Diego Milito Inter (Getty Images)

Internazionale ayaa hadda cabsi yar ka qabta in Fiorentina ka awood badiso kulanka labaad ka dib markii uu Diego Milito kooxda Inter ku siiyey 1-0 garoonka Giuseppe Maezza.

Fiorentina oo bilowgii hore weerarka u badan ku soo qaadaysay Inter waxaana goolka Inter sigay Riccardo Montolivo. Mario Santana iyo Montolivo ayaa ayaguna tijaabiyey difaaca Inter.

Inter dhankeeda waxay dhib ka mudatay in weerarkeedu dhaafo difaacyada Alessandro Gamberini iyo Cesare Natali, waxaana Inter ugu horreysey inay goolka Fiorentina u dhowaadaan daqiiqadii 24aad markii Wesley Sneijder uu u soo baxsaday dhanka shabaqa Fiorentina, laakiinse banoonigiisii ayaa goolka dhinac ka maray.

10 daqiiqo ka dib waxaa baas uu soo dhigay Mario Balotelli goolka Fiorentina ku hubsaday Diego Milito, cayaartiina waxay noqotay 1-0 ay leedahay Inter oo marti loo ahaa.

In yar ka dib weerar-celis ay Viola soo qaadday ayaa Juan ManuelVargas kubbad dheer ugu baastay Alberto Gilardino, haseyeeshee wuu iska qasaariyey fursaddiisii, banoonigiisiina dibadda ayuu maray. Daqiiqaddii 38aad goolhayaha Inter wuxuu in yar badbaadiyey kubad Vargas uu madaxa ku soo darbeeyey.

Kaambiyadii dambe ee cayaarta cayaarta waxaa weerar badnayd Inter, waxaana dhowr jeer goolka Fiorentina sigay Milito.

Goolhayaha Fiorentina, Frey ayaa soo tufay kubbad uu ka qabtay Pandev waxaase goolka ku celiyey Milito oo darbaddiisii ay ku sii dhacday Sneijder, haseyeeshee calanwadaha ayaa sheegay in Sneijder uu offsite ku jiray, sidaasna waxaa lagu diiday goolkii labaad ee Inter.

Inta caarta ka hartay waxay Fiorentina raadinaysay goolkii bareejada, waxayna soo geliyeen Marco Marchionni iyo Adem Ljajic, hase yeeshee waxba uma tarin oo waxaa kulankii ku dhammaaday 1-0 oo ay natiijada leedahay Inter

Mario, Mane, Luis Fabiano, Sevilla 2-0 Getafe (Getty Images)

Kooxda Spanish-ka ah ee Sevilla ayaa ku dhow inay finalka Copa del Rey ee boqortooyada Spain gaaraan ka dib markii lugtii hore ee cayaarta ay 2-0 ku mareen Getafe. Luis Fabiano iyo gool uu iska dhaliyey Mario ayaa kooxda reer Andalus meel u saaray guusha lugta hore ee cayaarta.

Sevilla ayaa bilowgii cayaarta waxay ku soo gashay dardar, waxayna ku sigteen inay daqiiqadihii u horreeyey hogaanka qabtaan ka dib markii kubbad uu dhanka midig ka soo baasay Jesus Navas ay la kulantay Luis Fabiano, haseyeeshee darbaddii Fabiano ayaa ku 3 mitir goolka dibadda ka martay. Getafe ayaa isla markiiba weerar soo qaaday kuna qasabtay Andres Palop inuu ka badbaadiyo goolkiisa kubad uu soo tuuray Manu Del Moral.

Markii ay cayaartu kusii siqaysay kaambiyada ayaa waxaa benjiga Sevilla lagu celiyey David Negredo oo cayaarta sii wadan waayey, waxaana lagu soo bedelay Koffi Romaric, isla mar ahaantaas ayay Sevilla hogaanka cayaarta qabatay ka dib kubad ay isu dhiib-dhiibeen Navas iyo Adriano ugu dambayntii loo baasay Fabiano, halkaasoo uu madaxa kaga dhaliyey Getafe, waxaana kaambiyadii ku dhammaatay 1-0 oo Sevilla leedahay.

Kaambiyadii dambe waxay cayaartu ahayd mid iska caajis ah, Getafe-na waxay iska ilaalinaysay in goolal kale laga dhaliyo, iskumana dayayn inay bareejayso Sevilla, halka Sevilla-na ay ay ku qanacsanayd goolka keliyah ee ay hoggaanka ku hayaan.

20 daqiiqo markii ay harsanayd ayaa waxaa tababaraha Sevilla Manolo Jimenez bedalay Fabiano oo uu ku soo bedelay laacibka Maaliyaanka ah ee Frederic Kanoute.

Waxay u ekayd in ay cayaartu ku dhammaanayso 1-0, haseyeeshee dhammaadkii kulankaan ayaa Sevilla heshay gool labaad, baas kore oo uu baallaha ka soo gamay Jesus Navas ayaa waxaa iska dhaliyey Mario oo damacsanaa inuu kubadda koorno u saaro.

Waxay taasi caddaysay in Sevilla ay hadda tahay kooxda ugu cadcad ee looga baqayo inay sanadkaan qaadaan koobka Boqortooyada ee Spain, ayagoo horey u soo diray Barcelona, hadana aysan haysan caqabad saas u wayn oo u diidaysa inay finalka gaaraan.

Kabaha Sports-ka ee Adidas

(Sarmaanyo.com) — Khubaro u dhashay dalka Maraykanka ayaa ku sameeyay daraasad jaamacad ku taaalla wadankaasi oo layidhaa Virginia university,taasi oo ay ku ogaadeen in kabaha lagu cayaaro ciyaaraha cusub sida orodka,bootinta ay suurta gal tahay inay keenaan xanuunada ku dhaca isgoysyada lafaha, waxaanay ku la dardaarmeen ciyaartoyda in ay jimicsiyaga ay sameeyaan iyagoo cagaagan oo aan wax kabo ah xidhnayan.

Waxaa kale oo ay intaa ku dareen in ninka ciyaartoyga ahi markaa uu kabaha xidho ay lugtiisu la kulmayso cadaadis sare ,kaasi oo lagu qiyaasay in uu yahay 54% halka uu marka aanu xidhnayan wax kabo ahn a uu yahay 36-38%.